Höhentraining auf den Niesen

6. Mai 2011 / Gigathlon Teilnahmen

Am Donnstig, 5. Mai ha i mi frei Tag „gnosse“ mit äm ne 1. Höhetraining.

Start in Wimmis, 626m.ü.M., bi ni losgloufe (auso gwanderet) richtig Niesen. Vom Bahnhof het me bis zum Ziel ufe gseh. Das isch jo wahnsinn, ha i dänkt!
ufe, ufe, ufe, ufe…………, übers vordere Ahorni (wunderschön), dürs hingere Ahorni und Hundsrügg, bi dene Passage hätt i am gschidschte Stigise söue mitnäh. Dört ha i scho d Stöck müesse zur Hand näh, zum s Glichgwicht besser zhaute. Hätt se nur bim abeloufe wöue bruche, um d Knöi ä bitz zschone.
Ab äm Stueffistei isch s no brutaler embrüf gange.
De doch no, nach 3h30min bi i uf äm Niesen2362 m.ü.M. acho! Die über 2000 verbruchte Kalorie ha i mit ärä Sterchig vom nem Cola u Aprikosechueche wohl grad wieder inegfrässe.

Mit nem Hyper (Hyperglykämie) bini ou scho wieder los-gstogglet richtig Wimmis zrügg.
Wo i unge bi acho, ha i fasch nid chönne gloube, söfu höch obe zgsi si…….

Höhendifferenz: 1733m

no images were found

 

Kommentar verfassen

X
%d Bloggern gefällt das: