Bowlingabend bei Bösiger Langenthal

16. Februar 2009 / DTV Roggwil

Am 28. Januar 2009 heisech um19:45 Uhr 9 hoch motivierti Froue bim Sekundarschueuhus Roggwil besammlet und sech ufe wäg noch Langenthal is Bowlingcenter gmacht. Vor Ort isch het me sech i 2 Gruppe ufteilt, jedi het sech es paar Schueh gfasst und die 2 für üs reservierte Bahne si in Beschlag gno worde. Und scho si di erste Chugle grouet. Bi de einte hets es paar weniger, bi de angere es paar „Doggeli“ meh umgmäit. Nochemne erste Durchgang isch aber noni fertig gsi. Und scho isch die ersti Chugle für Rundi 2 wider grugelet. Noch der 2. Rundi heimer de fougendi Podestplätz chönne vergä: 1. Rang mit 247 Pünkt d Lerch Silvia, 2. Rang mit 198 Pünkt d Schönenberger Sabrina und ufem 3. Rang mit 197 Pünkt d Weber Monika. Bevor me sech ufe Rückwäg gmacht het, het sech e Teil bereits verabschidet und es paar vo üs Froue heisech no ufnes chlis Schlummerdrünkli is Bintli begä.

A dere Stöu beste Dank ar Karin Lüdi fürs orgnasiere und hoffe natürlech dasmer im 2010 e Revanche gäge üsi Podestplatzierte chöi usüebe!

 

Fürd Bowling-Froue

Denise Schönenberger

Kommentar verfassen

X
%d Bloggern gefällt das: