DTV Vereinsreis vom 3. September 2016

16. Oktober 2016 / DTV Roggwil

Am 3. Septämber am nüni am Morge het sich e Kuppele Froue ufgmacht is Abentüür “Seilpark Gantrisch”. Nach ere churzwilige Fahrt hei mir üs aus erschts im Restaurant für die bevorstehende Hinderniss gstärkt. E churzi Iifüehrig bim Seilpark-Team u när ischs los gange… I zwe Gruppe – eini chli die Muetigere u die angeri chli die Gmüetlechere – hei mir ei ume anger Parcours unger d Füess resp. i d Häng gnoh. Drü Froue, wo us buchtechnische Gründ nid hei chönne mitchlättere si ir Zwüschezyt ufe Gurnigel go e Wanderig mache u hei üs mit wunderschöne Ussichtsföteli ufem Loufende ghaute. Ume Mittag hei mir üs aui zum Ässe troffe. Die feine Salät und Nuggets/Pommes Frites hei sehr gmundet u mir si am Nomittag no einisch go i de Böim umeturne. Die gmüetlechi Gruppe het sich uf Tip vo de Muetige doch ou no ufe Parcours mit der höchschte Plattform vor Schwiz (36 m) gwagt. Am Schluss si aui stouz gsy, uf das wo si gschafft hei, vor auem diejenige wo souverän ihri Höhenangscht usgschaute hei, BRAVO!! Chly müed, aber sehr zfriede hei mir üs gäge Obe wieder ufe Heiwäg gmacht. Die Vereinsreis isch sehr cool gsy, u es isch immer toll, we sich öbber spontan als Organisator zur Verfüegig stöut. Hie es ganz härzlechs MERCI as Tämi!!

2

1

Kommentar verfassen

X
%d Bloggern gefällt das: